تفاصيل الكتاب
تحميل كتاب أحزان وردية لمحمود الصادق من اكبر مكتبة اونلاين للكتب العربية

أحزان وردية لـ محمود الصادق من كتبي

متاح فقط على أجهزة الموبايل والتابلت بأنظمة iOS و Android - وغير متاح الان على أجهزة اللاب توب والكمبيوتر

نبذة قصيرة عن كتاب أحزان وردية لـ محمود الصادق

ماشي في نص الليل
يقول الله جميل... يقول العشق حال
يقول يا عين ياليل.. الحب دا موال
له سحر زي النيل... بيبدل الأحوال
لو كنت يوم عليل... تصبح كما الجَمَّال
ويحبك كل جميل... عصفور من الأحرار
يرفرف فوق النخيل... يعزف كتير ألحان
يرقص عليها الجريد... تنزل تمورها أوام
يتقوى بيها الطين... يتقوى بيها العُشَّاق
وكل السارحين في ذكر الله
ماشي في نص الليل
بيردد التراتيل... يدعي السلام يعيش
ويموت كل عويل.. عايش على التقتيل
كفه كما السكين... بتقطع كل لحم سليم
وتيتم قلب طفل برئ... جوا قلبي حريق
ونار جوا قلبه العويل... بيصب جوا الليل
تصبح على عويل ولطيم... الله الله جميل
ماشي في نص الليل... بيناجي رب جليل
يرفع غيام العين... في السكة يلقى دليل
أو ينزل عليه الوحي... يكتب شعر للإنسان
ينشر بالكلمة دين السلام... أو يصحى بيها ضمير
يسرح في ذكر الله
ماشي في نص الليل
يقول حلوة الحياة... كما درويش زاهد الخلق
زاهد المال والجاه... قلبه كما جناين ورد
بيوزعها لخلق الله... ويقول عيشوا ياناس الحب
طايف يقول الله... ما أحلى كلمة آه في الحضن
بين حبيبين في الله... لحظة ميلاد النسل
ما احلى كلمة آه... تحت عيون الرب
ماشي في نص الليل... وفايحة ريحة الخمر
سِكِّير بيهوى الدين.. وجوا منه ألف سر
ألف ذنب عظيم... لكنه سارح يقول انا توبت
انا توبت بالتأويل... زي العاصي لما يمل الذنب
ويسرح في ذكر الله.

النوع الأدبي:
أحدث الإصدارات , شعر
كتب مماثلة