تفاصيل الكتاب
تحميل كتاب Passion بالعربي شغف لشيماء العقيلي من اكبر مكتبة اونلاين للكتب العربية

Passion بالعربي شغف لـ شيماء العقيلي من كتبي

متاح فقط على أجهزة الموبايل والتابلت بأنظمة iOS و Android - وغير متاح الان على أجهزة اللاب توب والكمبيوتر

نبذة قصيرة عن كتاب Passion بالعربي شغف لـ شيماء العقيلي

النصيحة دي أنا بكتبها (لأنها أفادتني وإن شاء الله تفيدكم): خليك في حالة بحث مستمر واطلاع مستمر، وانقض واهدم القاعدة اللي بتقول إنك تعلمت خلاص؛ كل يوم بيكون فيه جديد، ومش لازم يكون كل يوم، لكن على الأقل كل سنة بيظهر الجديد للناس، الجديد اللي كان حبيس المختبرات والتجارب وآراء الناس لفترة ما. بالمناسبة أنا دربت ستات تخطى عمرها 55 سنة و أكتر عشان تعرف شغفها، "يعيش المِعلم و هو لسه بيتعلم".
لا تأخذ معلومة ثقة من أي أحد، لازم تشوف إيه مصادره، وتراجع وتفهم أنت كمان، لأننا كلنا لينا مصادر معرفية ومصادر أخرى مؤثرة في فهمنا للأمور وطريقة اعتقادنا ورؤيتنا لها، القاعدة الفقهية بتقول (استدل أولا ثم اعتقد، لكن لا تعتقد ثم تستدل). يعني جمَّع كل المعلومات الأول حول هذا الأمر اللي أنت عايز تعرفه، المعلومات اللي مع و اللي ضد الأمر، و افهمهم و اتعلم و استخلص منه الصح، مش تقول الكلام دا هو الصح و أي كلام ضده غلط، فكر الأول في الأمر وبعدين اعتقد فيه، عشان يغير حياتك.
لما تشوف أي كتاب، حاول تفهم هل الكاتب بيتكلم عن تجربة شخصية خاصة به؟ عشان دا يختلف تماما لو كان يتكلم من زاوية علمية أو لها دراسات في العلم، اطلب مصادر الكتاب وراجع مصادر الكتاب الموجودة في النهاية.
لو أنت كاتب لازم كتابك يكون فيه مصادر ثقة تبحث فيها، و هذا هو الأفضل حتى لو كان يعرض تجربة شخصية، يمكن أنت ككاتب فهمت معلومة غلط أو الشرح مش مضبوط، أو شرحت رؤيتك الشخصية، أنت ليك بناءً على علمك فهم مختلف عنه، و يمكن يكون ليك رؤية مختلفة، فساعد غيرك يوصل للمصادر و يكون له رؤيته الخاصة به.
لا تأخذ أي كتاب مسلم به وأيضا هذا ليس معناه الشك المطلق في كل شيء، لكن الاستزادة من الأمر تجعل البحث في مصادره بأشكال متعددة أمر مهم، النصيحة دي أكتر للأشخاص اللي بيبحثوا فيه مجال شغف عندهم، يعني لو شغفك الطب يبقى تبحث أكتر، لو شغفك الحسابات، يبقى تفهم و تبحث أكتر، ميزة العلم أنه متطور، و يبحث عن الشخص الذي يبحث عنه ".. العلم يبحث عن الشخص الذي يبحث عن العلم".
ربنا يوفقكم، و برحب بكم على متن رحلة معرفة الشخص بنفسه وبشغفه، متمنية إقامة سعادة، و رحلة ممتعة و ضحكة جميلة للجميع.
شكرا أنكم وصلتوا لحد هنا.

كتب مماثلة
        التعليقات