Book Details
Download اخر ضحكة في مصر by شيرين بدران from the largest online bookstore of Arabic books

اخر ضحكة في مصر By شيرين بدران From Kotobi

Only available on mobile phones and tablets with iOS and Android systems – Not available now for laptops and computers

Short synopsis about book اخر ضحكة في مصر By شيرين بدران

نظرًا للظروف العصيبة التي تمر بها البلاد.
ونظرا لأن همومنا زادت والكيل طفح والحمل تقل ومابقاش في حاجة بتفرحنا بسهولة.
قررت — وأمري لله — كتابة هذا الكتاب..
لأني شايفة إني كوني أضحكك وانت مش طايق نفسك ولا طايق هدومك وبتتخانق مع دبان وشك،
فدا ف حد ذاته عمل وطني جليل.. أيوة، أنا ضحيت بروحي وعرَّضت نفسي للمخاطر واستشهدت 8 مرات وأنا بكتب الكتاب دا..
لحد ما خرجت بعمل مش لاقية له أي تصنيف الصراحة..
بس أهم هدف من أهدافه النبيلة إني آخد بإيد الضحكة اللي ف أبعد مكان جواك وأخرجها للنور عشان تشوف الشمس.
الضحكة اللي كمكمت جواك من ركنتها.. اجتهدت جاهدة مستجهدة إني أنتزعها منك وبقوة..
كتاب اجتماعي خفيف.. مناسب جدًّا للمواصلات ولجميع وسائل النقل العام والموتوسيكلات والتوكتوك والحنطور والكارو.
ومالقتش أفضل من لغتنا الدارجة أعبر بيها عن كل اللي جوايا.. طريقة السهل الممتنع. وبعيدًا عن الفذلكة وفرد العضلات اللغوية.. أنا عاوزة أضحكك ومش عاوزة أخليك تضرب نفسك ب ستين جزمة وانت بتقرأ لغة متجحظة مش فاهم منها حاجة، ولو دورت ف أصل الموضوع هاتلاقيني أنا كمان مش فاهمة أي حاجة.. وحتى اللغة العربية الفصحى السهلة حسيت إنها مش هاتليق بالهلس اللي أنا مهبباه ف الكتاب. بلاش نمرمط لغتنا معانا، خلي اللغة ف حالها والنبي..
ومتوقعة جدًّا إن أي خبير استراتيجي من اللي بيخصبوا يورانيوم من ورانا يطلع يقولي وأنا استفدت إيه؟
الضحك ف حد ذاته هدف نبيل يا سيادة الخبير.. لما تلاقي نفسك ف سطر من سطور الكتاب هدف جليل يا سيادة الخبير.. ولما تشتري الكتاب هدف أنبل وأجل بصراحة وم الآخر.. عشان دي فلوس ناس.
ف زمن الضحك فيه غلي..
والهموم فاقت الحد..
والوجع تخطي مراحل الألم بمراحل..
بقدِّملك بين إيديك..
ضحكة خارجة من قلبي جدًّا وأتمنى توصل لقلبك مباشرة من غير حواجز ولا عراقيل.
ويا تضحكها بصوت عالي وتكركر..
يا متضحكهاش.. وتشوف إني باردة وسمجة ولزجة ودمي تقيل ويلطش وتندم على الفلوس اللي دفعتها ف الكتاب وتقول: “مش كنت اشتريت بيها إزازتين زيت وكيلو سكر كان أفضل..”
أنا وبختي معاك..
بس ف كل الأحوال حقيقي بتمنالك السعادة من جوا جوايا..
ربنا يفرح قلبك وينورلك طريقك.
وتفضل ضحكتك مرسومة كدا العمر كله.
وماتبقاش دي..
(آخر ضحكة ف مصر)
شيرين بدران.

Related Books
        Reviews