Book Details
Buy الرفيق سيكو سيكو by كيرلس بهجت online now from Kotobi

الرفيق سيكو سيكو By كيرلس بهجت From Kotobi

Only available on mobile phones and tablets with iOS and Android systems – Not available now for laptops and computers

Short synopsis about book الرفيق سيكو سيكو By كيرلس بهجت

ده كان جزء صغير من أغرب حوار دار بيني وبين سعيد صديقي أيام الطفولة، وهو بيفتح عيني على فكرة الجنس واللي فضلت فترة طويلة بعدها بأفكر ومش عارف أكلم مين فيها.. يمكن كان أكتر واحد بيمدني بالمعلومات والخبرات الجنسية كان سعيد صاحبي، واللي كان عنده أفكار غريبة وتخيلات مُنحرفة، كان بيحلم بيوم جوازه عشان يطبقها... بالمناسبة سعيد دلوقتي ماسك منصب حساس في الدولة ومتجوز بنت صاحبتنا زي القمر.. وأعتقد سعيد مطلع عنيها بأفكاره اللي مش طبيعية ديه... بس طبعًا البيوت أسرار ومحدِّش عارف العلاقة بينهم شكلها إيه... ربنا يكون في عونها..
أنا اسمي كريم 29 سنة خريج آداب فلسفة وبأحب الكتابة، عاطل أغلب الأحيان بس كل شوية أشتغل أي حاجة كده ملهاش علاقة بمجال دراستي أو هوايتي وأسيبها عشان أرجع عاطل تاني.. من أسرة متوسطة على المستوى المادي والاجتماعي.. أبويا دكتور ممارس عام محاولش يطور من نفسه لكن اكتفى بعيادته اللي جنب بيتنا في الزيتون يعالج النزلات المعوية ويطاهر العيال الصغيرة.. أمي خريجة طب برضه بس مش بتشتغل قاعدة في البيت مكتفية بتربتينا أنا وأخويا الصغير وأبويا... هادي أخويا الصغير في آخر سنة في كلية إعلام وعلاقتي بيه علاقة سطحية يمكن بنتقابل بس علي الغدا وساعات على العشا لو رجع البيت بدري... زي ما إنتوا شايفين أنا شخصية خيالية من تأليف الشخص اللي عامل الكتاب ده، واللي المفروض حاكمل معاكوا لغاية آخر الكتاب وإن شاء الله مش حاموت أو حيحصلي أي حاجة مؤذية حسب اتفاق الكاتب معايا.. بس الأزمة كان اختيار البُعد الثقافي ليَّا وخصوصًا إن رحلة الكتاب في موضوع شائك جدًّا وهو الحب والجنس أو العلاقات العاطفية بوجه عام.. فهل حابقى زي العيال اللي عاملة نفسها بتقرا كتير وتبقى عميقة على الـ facebook وآخرتها يا تلحد يا تتكلم في السياسة فيتقبض عليها وفي الآخر تلحد برضه؟ ولا حأطلع عيل عقيم فكريًّا مادة قرايته الوحيدة هي الكتب الدينية أو التنمية البشرية متخوف من أي حاجة جديدة؟!... على العموم أنا زي أي شاب اتولد في مجتمع مش بيحترم لا العلم ولا الثقافة، كانت أغلب مصادر اطلاعي هي أفلام الفنان محمد سعد اللمبي ومسلسلات الزعيم عادل إمام مع كام كتاب بسيط عن الفلسفة وعلم النفس.

Related Books
        Reviews